A CASIÑA DE CHOCOLATE

NA NOSA AULA TEMOS UN GRANDE TESOURO!

UNHA CASIÑA DE CHOCOLATE COMO A DE HASEL&GRETEL.

ISMA, QUE ESTIVO FACENDO AS PRÁCTICAS CON NÓS, ENCARGOUSE DA CASIÑA E NÓS AXUDÁMOSLLE O QUE PUIDEMOS.

FOI UN LONGO PROCESO, PERO A ESPERA MERECEU A PENA, SEN DÚBIDA!

CUBRIMOS A CAIXA CON PAPEL E COLA BRANCA.

 PINTAMOS DE MARRÓN.

 VERNIZAMOS.

 PINTAMOS O SOPORTE DE VERDE.

E, FINALMENTE, ISMA ENCARGOUSE DE DECORAR CON CHUCHES. 

LEVAMOS A CASIÑA NA "ALDEA DE CONTO" QUE HAI NO CORREDOR.

TIVEMOS QUE EXPLICARLLES A TODOS QUE AS CHUCHES TEÑEN PEGAMENTO, NON SE PODEN COMER! 

CANDO NOS DESPEDIMOS DE ISMA, REGALÁMOSLLE UN LIBRIÑO CON DEBUXOS.

MARTIÑO FOI O ENCARGADO DE ENTREGARLLO E EXPLICARLLE TODOS E CADA UN DOS DEBUXOS. 

PODEDES VER MÁIS FOTOS DO PROCESO, FACENDO CLICK AQUÍ.

SARA E TITO CONTAN OS TRES PORQUIÑOS

O ÚLTIMO CONTACONTOS DO PRIMEIRO TRIMESTRE INCLUIU UN OBRADOIRO NO QUE FIXEMOS CARETAS DE PORQUIÑOS, TODO AXUDADOS POR SARA E TITO, OS PAIS DE LAURA.

COMO SEMPRE, CITÁMONOS NA BIBLIOTECA "DOS MAIORES". ALÍ HOUBO MOITA ATENCIÓN...

...E MOITAS RISAS! 

AOS NENOS E NENAS ENCÁNTALLES O CONTO DOS TRES PORQUIÑOS!

FOI TODO UN ÉXITO!

COMO NON PODÍA SER DOUTRA MANEIRA, REGALÁMOSLLES A SARA E TITO UNHA PEGATINA DOURADA. LAURA FOI ENCARGADA DE ENTREGAR O AGASALLO.

 A FOTO DE GRUPO, AO REMATAR O CONTACONTOS.

XA DE VOLTA NA AULA, A NAI E O PAI DE LAURA EXPLICÁRONNOS O QUE IAMOS FACER: UNHA CARETA DE PORQUIÑO.

TROUXERON TODOS OS MATERIAIS NECESARIOS PARA ELABORAR AS CARETAS.

PUXÉMONOS MANS Á OBRA...

1) PICAR OS OLLOS DO PORQUIÑO.

2) PEGARLLE O NARIZ.

3) PINTARLLE OS MOFLETES E FACERLLE UN SORRISO.

4) PEGARLLE AS ORELLAS.

 CANTOS PORQUIÑOS NA AULA!

QUEN SERÁ ESA PORQUIÑA QUE ESTÁ CON SARA E TITO? 

MOITAS GRACIAS AOS TRES!

POSTAIS DE NADAL

ANTES DAS VACACIÓNS DE NADAL ESTIVEMOS TRABALLANDO ARREO PARA PREPARAR POSTAIS DE NADAL.

PRIMEIRO FIXEMOS AS POSTAIS PARA ENVIAR AS NOSAS FAMILIAS: POSAMOS COMO AUTÉNTICOS MODELOS (CON NARIZ DE RUDOLPH INCLUÍDA) E ESCRIBIMOS O TEXTO.

CANDO XA ESTABAN TODAS AS POSTAIS ESCRITAS E COA FOTO PEGADA, METÍMOLAS NOS SOBRES, QUE XA TIÑAN O SELLO E O ENDEREZO ESCRITO.

ESPERAMOS QUE CHEGARAN TODAS AS POSTAIS AOS SEUS DESTINOS!

ADEMAIS DAS POSTAIS QUE ENVIAMOS ÁS CASAS, FIXEMOS POSTAIS PARA INTERCAMBIAR COS NENOS E NENAS DE 4 ANOS C.

CON PINTURA VERMELLA E BRANCA CREAMOS UN BASTÓN, COMO OS BASTÓNS DE CARAMELO.

 CANDO A PINTURA SECOU, ESCRIBIMOS O NOME DO DESTINATARIO E FELICITÁMOSLLE AS FESTAS.

TAMÉN DECORAMOS CON ESTRELLAS ADHESIVAS.

E CHEGOU O GRAN DÍA!

 A NOSA AULA ESTABA CHEA DE NENOS E NENAS! CADA UN COA POSTAL QUE ELABORARA PARA O SEU COMPAÑEIRO/A.

AS NOSAS POSTAIS VERDES...

AS SÚAS POSTAIS AMARELAS... 

TODOS E TODAS AMOSANDO AS POSTAIS...

E A PROFE ANA FACENDO FOTOS DO  INTERCAMBIO!

NÓS QUEDAMOS MOI SATISFEITOS CO RESULTADO!

GUSTÁRONVOS AS NOSAS POSTAIS? 

PROBAMOS DOCES DE NADAL

DURANTE OS ÚLTIMOS DÍAS DO PRIMEIRO TRIMESTRE PROBAMOS DIFERENTES DOCES TÍPICOS DESTAS DATAS.

CADA DÍA PRESENTAMOS DOCES DIFERENTES.

O PRIMEIRO DÍA, XOEL TIVO QUE ADIVIÑAR O QUE HABÍA DENTRO DUNHA BOLSA...

HABÍA TURRÓN!

BRANDO, DURO E DE CHOCALATE, MMMMM.... QUE RICO...

O SEGUNDO DÍA PROBAMOS...

TERCEIRO DÍA, TOCOU PROBAR UN DOCE TÍPICO DE ITALIA: PANETTONE.

CUARTO DÍA: FROITAS SECAS (UVAS, PEXEGOS E FIGOS).

OBSERVAMOS, ULIMOS... 

HAI QUE DICIR QUE NON TIVERON MOITO ÉXITO. O IMPORTANTE É QUE INTENTARON PROBALO!

QUINTO DÍA: POLVORÓNS E MANTECADOS.

E TAMÉN TIVEMOS UNHA SORPRESA MOI ESPECIAL!

LUCIANA INVITOUNOS A PASTAS CASEIRAS, FEITAS POLA SÚA NAI.

ESTABAN MOI RICAS. GRACIAS!

NOVOS SABORES, NOVAS TEXTURAS...

FORON DÍAS DE AUTÉNTICOS ESFORZOS PARA ALGÚNS DOS NENOS E NENAS, PERO INTENTARON PROBAR, AÍNDA QUE FOSE UN CACHIÑO PEQUENO, NORABOA A TODOS E TODAS!

PODEDES VER MÁIS IMAXES FACENDO CLICK AQUÍ.

XA VEÑEN OS REIS

CHEGA UNHA DAS NOITES MÁIS ESPECIAIS DO ANO: NERVIOS, INSOMNIO, IMPACIENCIA...

OS NENOS E NENAS ENTREGARON AS SÚAS CARTAS A MELGASAR O ÚLTIMO DÍA DE CLASE ANTES DE NADAL.

QUEN É MELGASAR? É O CARTEIRO REAL, QUE RECIBIU A TODOS OS MANDILÓNS AZUIS E GARDOU TODAS AS CARTAS PARA OS REIS.

PRIMEIRO RECIBIMOS A MELGASAR, DESPOIS COLLIMOS AS CARTAS NA NOSA AULA E DESPOIS TIVEMOS QUE ESPERAR A NOSA QUENDA PARA PODER FALAR CON MELGASAR E ENTREGARLLE CADANSÚA CARTA.

FELIZ NOITE DE REIS !

ANO NOVO...

... CALENDARIO NOVO!

UNHA DAS NOSAS RUTINAS DIARIAS CONSISTE EN SINALAR NO CALENDARIO O DÍA QUE É.

ESTE 2013 IMOS EMPEZALO CUN CALENDARIO MOI ESPECIAL. CADA MES TEN UNHA IMAXE DUN XOGADOR DE FÚTBOL!

SEGURO QUE AOS MANDILÓNS AZUIS LLES ENCANTA!