miércoles, 30 de octubre de 2013

A FAMILIA C... DE SHARA

A FAMILIA DE SHARA PREPAROU UN CONTO PARA COMPARTIR CON TODOS E TODAS.
VEU A CONTALO PEPE, PAI DE SHARA.

DESPOIS DE CANTARLLE A "CANCIÓN DA FAMILIA C", PEPE LEU O CONTO E DESPOIS AMOSOU TODOS OS DEBUXO QUE FIXO CAROLINA, NAI DE SHARA.



 PARA REMATAR A VISITA, SHARA ENTREGOU O DIPLOMA A PEPE. 

GRAZAS SHARA E PEPE POR COMPARTIR CON NÓS A VOSA MARABILLOSA FAMILIA!

lunes, 28 de octubre de 2013

DEPORTE EN AUSTRALIA

COMO SABEDES, OS MANDILÓNS AZUIS SON EXPERTOS EN DEPORTES, PERO ATA AGORA SÓ COÑECIAMOS AOS "XOGADORES".
O NOSO EXPERTO DESTA SEMANA FIXO UNHA PRESENTACIÓN PERFECTA SOBRE O DEPORTE NO PAÍS SOBRE O QUE ESTAMOS TRABALLANDO, AUSTRALIA.
PREPARÁMONOS PARA ESCOITAR A XOEL...

ANTES DE COMEZAR EXPLICOU QUE ASPECTOS ÍA TRATAR.

POR "PROBLEMAS TÉCNICOS" NON PUIDEMOS UTILIZAR O NOSO PROXECTOR.
A PROFE ROSA (VECIÑA DA AULA 8) PRESTOUNOS A SÚA AULA E TRASLADÁMONOS, CON MESA PARA EXPERTO INCLUÍDA, PARA PODER ESCOITAR E VER A PRESENTACIÓN DE XOEL.

FÚTBOL AUSTRALIANO, HOCKEY, RUGBY, TENIS, MOTOCICLISMO, AUTOMOBILISMO...

AMOSOUNOS A CAMISETA DA SELECCIÓN AUSTRALIANA DE FÚTBOL E EXPLICOUNOS QUE PARTICIPARÁN NO MUNDIAL DE BRASIL 2014.

PARA REMATAR, GRANDE SORPRESA!
XOEL TROUXO MINIATURAS DE CAMPOS DE FÚTBOL AUSTRALIANO E DE RUGBI. 
XOEL DEMOSTROU QUE É UN VERDADEIRO EXPERTO EN DEPORTES! E, O MÁIS IMPORTANTE, SOUBO TRANSMITILO AOS SEUS COMPAÑEIROS E COMPAÑEIRAS.
NORABOA XOEL POLO TRABALLO!

miércoles, 23 de octubre de 2013

DE VIAXE COS TECEDORES

HAI UNS DÍAS COMEZAMOS A PREPARAR A DECORACIÓN DA ENTRADA DA NOSA AULA...






COMPUXEMOS A FRASE DE BENVIDA E...


DESCUBRIMOS QUE OS TECEDORES (NENOS E NENAS DE 4 ANOS A) TAMÉN ESTÁN DE VIAXE E QUE "VISITARON" LONDRES.
OS TECEDORES VIRON A NOSA DECORACIÓN E DECATÁRONSE DE QUE TIÑAMOS BANDEIRAS MOI PARECIDAS...


UNHA É DO REINO UNIDO E A OUTRA É DE AUSTRALIA, CAL É CAL?

ENCANTOUNOS A DEFINICIÓN QUE FIXERON OS TECEDORES: A BANDEIRA DE AUSTRALIA "É A BANDEIRA DE INGLATERRA POLA NOITE COAS ESTRELAS".
FERMOSÍSIMA REFLEXIÓN, NON SI?

NO BLOG DOS TECEDORES PODEDES VER A SÚA CRÓNICA DESTE ENCONTRO ENTRE AULAS VIAXEIRAS.

MOITAS GRACIAS, ENCANTOUNOS COMPARTIR O TEMPO CON VÓS!
BOA VIAXE TECEDORES!

martes, 22 de octubre de 2013

A FAMILIA C... DE HUGO C

CARMEN E MIGUEL TROUXERON UN LIBRO XIGANTE PARA CONTARNOS A SÚA HISTORIA...
FORON LENDO A HISTORIA E, ENTRE OS DOUS, ÍAN PASANDO AS PÁXINAS.

DESPOIS, HUGO PASOU A BOTARLLES UNHA MAN: SINALANDO AS IMAXES, EXPLICANDO COMO SON AS MÁQUINAS QUE CONDUCEN OS SEUS AVÓS MANOLO E FERNANDO... 


DESPOIS DE CONTALO UNHA VEZ, VOLVERON AMOSALO. DESTA VEZ, SUBIMOS O CONTO A DÚAS SILLAS PARA QUE TODOS E TODAS PUIDERAN OBSERVAR AS IMAXES. 

MIGUEL EXPLICOUNOS A DIFERENCIA ENTRE A TEXTURA DA PORTADA DO LIBRO, FEITA DE CELULOSA, E AS FOLLAS DE PAPEL TRATADAS CON TINTES ESPECIAIS.
TAMÉN EXPLICOU COMO FUNCIONAN AS MÁQUINAS DA FÁBRICA ONDE TRABALLA.

PARA REMATAR, HUGO ENTREGOU OS DIPLOMAS A CARMEN E MIGUEL. 

MOITAS GRAZAS HUGO, CARMEN E MIGUEL POR COMPARTIR CON NÓS A VOSA MARABILLOSA FAMILIA!

lunes, 21 de octubre de 2013

SIMÓN: EXPERTO EN ANIMAIS MARIÑOS DE AUSTRALIA

IMPRESIONANTE O TRABALLO DOS NOSO EXPERTOS E EXPERTAS!
HOXE SIMÓN IMPARTIU UNHA CLASE MAXISTRAL SOBRE ANIMAIS MARIÑOS.
PRIMEIRO, PREPARAR A AULA PARA A "CONFERENCIA".

SIMÓN E A SÚA NAI PREPARARON UNHA PRESENTACIÓN CHEA DE FOTOS IMPRESIONANTES!



COÑECEDES AO PEIXE GOTA OU PEIXE BORRÓN?
É UN PEIXE QUE VIVE NAS PROFUNDIDADES DO OCÉANO, CATALOGADO COMO O ANIMAL MÁIS FEO DO MUNDO.

COMO NON, A "CONFERENCIA" REMATOU COA QUENDA DE PREGUNTAS AO EXPERTO, QUE RESPONDEU SEN DUBIDAR NIN UN SEGUNDO.
 FIXÁDEVOS NA ACTITUDE DO EXPERTO!
NORABOA SIMÓN!
REMATAMOS CUN VIDEO QUE TEN UN PEIXE GOTA COMO PROTAGONISTA.

COMO A HISTORIA DA RÁ TIDDALICK, ESTE CONTO ESTÁ EN INGLÉS PERO OS MANDILÓNS AZUIS PODEN EXPLICAR ESTA HISTORIA.
ESPERAMOS QUE VOS GUSTE!

domingo, 20 de octubre de 2013

A FAMILIA C... DE RUBÉN

UNHA VISITA TRIPLE!
MONCHO, MÓNICA E CARLA VIÑERON Á NOSA AULA.
 A FAMILIA DE RUBÉN PREPAROU UNHA PRESENTACIÓN NA QUE DESCRIBÍAN UN SÁBADO DAS SÚAS VIDAS.

QUE HABÍA NESTE PAQUETE?
TROUXERON UNHA SORPRESA PARA OS MANDILÓNS AZUIS: PULSEIRAS PERSONALIZADAS COS NOMES DE CADA UN, FEITAS POLA MADRIÑA DE RUBÉN (GRACIAS A MARÍA DE PARTE DE TODOS E TODAS).

POR SUPOSTO, NÓS TAMÉN TIVEMOS UN AGASALLO PARA ELES: O DIPLOMA!

 RUBÉN COMPARTIU PROTAGONISMO CON CARLA, QUE O PASOU MOI BEN (E NON QUERÍA MARCHAR).
GRAZAS MÓNICA, MONCHO, CARLA E RUBÉN POR COMPARTIR CON NÓS A VOSA MARABILLOSA FAMILIA!

miércoles, 16 de octubre de 2013

A FAMILIA C... DE LARA

ANA ISABEL VEU Á NOSA AULA PARA COMPARTIR CON NÓS UN LIBRO FEITO POR ELA (AXUDADA POR LARA).
PREPARARON UN LIBRO CO APELIDO ESCRITO EN LETRAS MOI GRANDES, PEGATINAS, DEBUXOS, RECORTES...
ISABEL FOI LENDO A HISTORIA DIARIA DA SÚA FAMILIA.
O QUE MÁIS NOS GUSTOU FOI A EXPLICACIÓN DO SEU TRABALLO CON UN ROBOT! (TODOS E TODAS QUEDARON ABRAIADOS). 

FINALMENTE, LARA ENTREGOULLE Á SÚA NAI O DIPLOMA.
CREMOS QUE LLE GUSTOU MOITO! 

MOITAS GRAZAS ISABEL E LARA POR COMPARTIR CON NÓS A VOSA MARABILLOSA FAMILIA!


martes, 15 de octubre de 2013

TIDDALICK A RÁ

PRESENTÁMOSVOS UN CONTO TRADICIONAL AUSTRALIANO, PROTAGONIZADO POR UNHA RÁ QUE TIÑA MOITA SEDE E BEBEU TOOOOODA A AUGA DE AUSTRALIA.

O CONTO ESTÁ EN INGLÉS (PORQUE ASÍ FALAN EN AUSTRALIA) PERO, COMO COÑECEMOS A HISTORIA... É MOI SINXELO DE ENTENDER!


GÚSTAVOS?

lunes, 14 de octubre de 2013

COMEZA A VIAXE: AUSTRALIA

ESTE CURSO IMOS ENCHER UNHA MALETA DE ILUSIÓNS E GANAS DE TRABALLAR!
TEMOS PLANIFICADO UNHA VIAXE DESDE AUSTRALIA ATA BRASIL, PASANDO POR PAÍSES DE TODOS OS CONTINENTES!
ESTA SEMANA, MAR FOI A "EXPERTA-ESPECIALISTA": PROCUROU INFORMACIÓN SOBRE AUSTRALIA E EXPÚXOA ANTE OS COMPAÑEIROS E COMPAÑEIRAS.

MAR SENTOUSE ANTE TODOS E TODAS, CON MESA E TABURETE, COMO NUNHA CONFERENCIA.
A "EXPERTA MAR" COMEZOU AMOSANDO UNHA POSTAL QUE  RECIBIU DUNHA FAMILIAR QUE VIVE EN AUSTRALIA. DESPOIS FOI EXPLICANDO DIFERENTES IMAXES QUE TROUXO IMPRESAS: ABORIXES, BÚMERANGS, AYERS ROCK...

 TAMÉN TROUXO UN PEN-DRIVE CHEO DE IMAXES, AQUÍ EXPLICÁNDONOS QUE É AYERS ROCK. INTERESANTÍSIMO!
GRACIAS MAR POR AXUDARNOS A COMEZAR A NOSA VIAXE!
FIXÉCHELO FENOMENAL!

SEGUIREMOS TRABALLANDO SOBRE AUSTRALIA DURANTE AS VINDEIRAS SEMANAS. SIMÓN, XOEL E ROSALÍA SERÁN OS EXPERTOS QUE COMPLETARÁN O TRABALLO DE MAR.
ESTADES PREPARADOS?