NACHO E ROCÍO CONTAN CON NÓS

HAI UNS DÍAS TIVEMOS UNHA VISITA "TRIPLE", A FAMILIA DE MARTINA AO COMPLETO!

NACHO, ROCÍO E O PEQUENO MATEO VIÑERON CONTAR UN CONTO.

TROUXERON  UN MALETÍN CHEO DE CONTOS.

PRIMEIRO MARTINA ESCOLLEU UN PARA QUE NACHO NOLO CONTARA.

CADA CONTO COMEZA CUNHA LISTA DE IMAXES QUE CONTEÑEN A MESMA LETRA. NACHO AMOSOUNOS TODAS AS IMAXES ANTES DE CONTAR O CONTO.

COMO SEMPRE, TODOS E TODAS ENCANTADOS COA VISITA.

MENTRES FACIAMOS UN DEBUXO, NACHO E ROCÍO ACOMPAÑÁRONNOS E COMPROBARON AS NOSAS GANAS DE TRABALLAR!

E A FOTO DA FAMILIA..

 MOITAS GRACIAS NACHO E ROCÍO POR CONTAR CON NÓS!

A NOSA CANCIÓN

POR UNHA CASUALIDADE, CANDO COMEZOU O CURSO, A CANCIÓN DO "O-E-O" CONVERTIUSE NA NOSA FAVORITA.

AGORA QUE TEMOS PROXECTOR, ENCÁNTANOS VER O VÍDEO E APROVEITAMOS PARA BAILAR UN POUCO. 

PERO O QUE MÁIS NOS GUSTA É ESCRIBIR AS LETRAS "E" E "O" NAS NOSAS MANS. 

 ALGÚN DÍA CAMBIAREMOS AS VOGAIS, A VER QUE TAL!

XA TEMOS PROXECTOR!

HAI DÚAS SEMANAS TIVEMOS UNHA SORPRESA NA AULA, INSTALÁRONNOS UN PROXECTOR.

PARA QUE USAMOS O PROXECTOR?

PARA VER VÍDEOS, NESTE CASO, A REPORTAXE SOBRE AS TARTARUGAS QUE TROUXO MARTINA.

BUSCAMOS E OBSERVAMOS IMAXES. AQUÍ, REPASANDO AS PARTES DUNHA TARTARUGA: COIRAZA, PATAS, CABEZA... 

PODEMOS VER VÍDEOS MUSICAIS. 

SABEDES CAL FOI A PRIMEIRA PETICIÓN? "E-O", POR SUPOSTO!

DESCUBRIMOS QUE PODEMOS XOGAR COA LUZ DO PROXECTOR, ASÍ QUE REPASAMOS SILUETAS E PROBAMOS A FACER DIFERENTES SOMBRAS.

ESTAMOS MOI CONTENTOS CO PROXECTOR, QUEREMOS APROVEITAR TODAS AS POSIBILIDADES QUE NOS OFRECE. SEGUIREMOS PROBANDO.

XOSÉ E SUSANA CONTAN CON NÓS

ESTA SEMANA RECIBIMOS A XOSÉ E SUSANA, PAI E NAI DE MAR. 

PERO NON SÓ ESCOITAMOS O CONTO PIRRACAS E AS PATACAS.

SABEDES QUE FIXEMOS CUNHA PATACA E CATRO MISTOS? 
UN OBRADOIRO MOI DIVERTIDO!

PRIMEIRO SUSANA AMOSOUNOS O MATERIAL QUE IAMOS UTILIZAR.

OS NENOS E NENAS EXPLORARON, OBSERVARON E MANIPULARON AS PATACAS.

DESPOIS, OBSERVANDO A ILUSTRACIÓN DO CONTO, EXPLICÁRONNOS COMO CLAVAR OS MISTOS NA PATACA.

AXUDÁRONNOS E FOMOS FACÉNDOO CON COIDADO.

TIÑAMOS QUE CONSEGUIR QUE OS CATRO MISTOS SUXEITARAN A PATACA!

O SEGUINTE PASO: DEBUXARLLE A CARA Á PATACA.

CONSEGUIDO!

TRABALLO FEITO!

MENTRES UNS FACÍAN AS CARAS, OUTROS COMPROBABAN A ESTABILIDADE DAS SÚAS PATACAS.

FINALMENTE, FIXERON UN DEBUXO DAS SÚAS PATACAS.

UNHA SESIÓN DE CONTACONTOS DIFERENTE, QUE TODOS E TODAS GOZARON.

MOITAS GRACIAS A XOSÉ E SUSANA POR CONTAR CON NÓS!

"DOODLE" DE KEITH HARING

MIRADE QUE PASA SE HOXE ENTRADES EN GOOGLE...

HOXE É O ANIVERSARIO DE KEITH HARING E GOOGLE DEDÍCALLE O SEU "DOODLE".

UNHA MOSTRA MÁIS DE QUE NON SOMOS OS ÚNICOS QUE RECOÑECEMOS A OBRA DESTE ARTISTA!

AQUÍ TEDES ENLACES DA NOTICIA NA PRENSA.

SÓ TEDES QUE FACER CLICK NO NOME DO XORNAL.

 LA VOZ DE GALICIA 

ABC.

OSWALDO CONTA CON NÓS

SEGUIMOS RECIBINDO VISITAS ESPECIAIS.

O PASADO MÉRCORES 25 VEU CONTARNOS CONTOS OSWALDO, TÍO DE ISABEL.

OSWALDO TROUXO UN LIBRO ENOOORME QUE NOS DEIXOU MOI IMPRESIONADOS.

DESPOIS DE ESCOITAR OS CONTOS, FIXEMOS UN DEBUXO DA VISITA. 

OSWALDO DEIXOUNOS UN AGASALLO: A BRUXA AGULLA, O GLOBO DE MARTÍN E O SEGREDO DA BRUXA ...

PASÁMOLO MOI MOI BEN!

AQUÍ TEMOS A OSWALDO E Á ORGULLOSA SOBRIÑA.

MOITAS GRACIAS OSWALDO POR CONTAR CON NÓS!