jueves, 29 de noviembre de 2012

STEFANIE CONTA ALICIA NO PAÍS DAS MARABILLAS

ESTA SEMANA VEU A NAI DE LUCIANA A CONTARNOS UN CONTO CLÁSICO Á BIBLIOTECA DO COLE.
STEFANIE PROPUXO CONTAR O CONTO DUN XEITO DIFERENTE: ESCOLLEU UN VIDEO E FOI A NARRADORA (SEN LIBRO, SÓ CON UN GUIÓN, COA IMAXE E A SÚA VOZ). POR ISO NAS FOTO ESTAMOS SENTADOS MIRANDO Á PANTALLA, NON MIRANDO A STEFANIE.



NA BIBLIOTECA NON SÓ PODEMOS LER CONTOS, TAMÉN OS PODEMOS VER E ESCOITAR.

COMO EN TODAS AS VISITAS, OS QUE MELLOR O PASAN SON OS FILLOS/FILLAS DO CONTACONTOS. É UN DÍA MOI ESPECIAL!
LUCIANA ESTIVO MOI ATENTA PARA QUE A SÚA NAI ESTIVERA BEN. COMO SORPRESA FINAL, REGALOUNOS UN DEBUXO DE ALICIA PARA COLOREAR.

MOITAS GRACIAS STEFANIE POLA VISITA!

martes, 27 de noviembre de 2012

MÓNICA PRESENTA AS MENINAS (A FAMILIA DE FILIPE IV)

MÓNICA PRESENTOU UN NOVO CADRO PARA ENGADIR Á NOSA GALERÍA DE ARTE: AS MENINAS.

O DÍA DA PRESENTACIÓN É UN DÍA CHEO DE NERVIOS, DE IMPACIENCIA E DE EXPECTACIÓN.

NERVIOS...

RISAS...

E, POR SUPOSTO, INTERESANTES EXPLICACIÓNS. PRIMEIRO SINALOU NUN MAPA ONDE NACEU DIEGO DE VELÁZQUEZ.


DESPOIS ANALIZAMOS OS PERSONAXES QUE APARECEN NO CADRO.

DESCUBRIMOS A PÁXINA WEB DO MUSEO DO PRADO, ONDE ESTÁ EXPOSTO O CADRO.
PODEDES ACCEDER PINCHANDO AQUÍ OU NA IMAXE.

E COMO SORPRESA FINAL... MÓNICA E A SÚA FAMILIA REGALÁRONNOS UN LIBRO DE PEGATINAS!

MOITAS GRACIAS MÓNICA E FAMILIA!

sábado, 24 de noviembre de 2012

ANA CONTA GARAVANCIÑO

ESTA SEMANA RECIBIMOS UNHA NOVA VISITA NA BIBLIOTECA DO COLE, ANA, A NAI DE ROSALÍA, VEU CONTARNOS GARAVANCIÑO.
COMO SABEDES, A CONDICIÓN PARA VIR A VISITARNOS É TRAER UN CONTO CLÁSICO.

 TODOS E TODAS ESTIVERON ATENTÍSIMOS AO CONTO!


O QUE MÁIS NOS GUSTOU? O PEIDO (DE CORES) QUE BOTOU O BOI PARA QUE GARAVANCIÑO SAÍRA DA SÚA BARRIGA!

AQUÍ A FOTO DO GRUPO.

IR Á BIBLIOTECA SIGNIFICA IR AO "COLE DOS MAIORES" (EDIFICIO DE PRIMARIA). CADA DESPRAZAMENTO É UNHA NOVIDADE. 
PORTÁRONSE TAN TAN BEN QUE FIXEMOS FOTOS PARA DEMOSTRAR QUE OS MANDILÓNS AZUIS SON NENOS E NENAS MAIORES! 
IMPRESIONANTE! NORABOA!
AS VISITAS SON UNHA OCASIÓN PERFECTA PARA DEMOSTRALO!


MOITAS GRACIAS ANA POR CONTAR CON NÓS!

lunes, 19 de noviembre de 2012

LARA PRESENTA OS XIRASOLES

COMO CADA LUNS, INCORPORAMOS UNHA NOVA OBRA Á NOSA GALERÍA DE ARTE.
HOXE LARA PRESENTOU OS XIRASOLES DE VINCENT VAN GOGH.

 DESDE PRIMEIRA HORA, LARA ESTABA IMPACIENTE POR AMOSARNOS O SEU "XARRÓN CON FLORES".



BUSCAMOS UNHA IMAXE DO ARTISTA E OBSERVAMOS OS XIRASOLES.




LEMBRAMOS QUE NO CONTO "LÚA", QUE NOS ENCANTA E TEMOS NA BIBLIOTECA DE AULA, APARECE UN XIRASOL! ASÍ QUE APROVEITAMOS PARA RECITAR O CONTO ENTEIRO!

LARA AMOSOUNOS A PÁXINA ONDE APARECÍA O XIRASOL!
MOITAS GRACIAS A LARA E Á SÚA FAMILIA!

sábado, 17 de noviembre de 2012

DESDE A VENTÁ DE MATISSE...

QUE PODEMOS VER DESDE A VENTÁ DE MATISSE?

HUGO B: "SON VASOIRAS QUE VARREN COUSAS DE CORES".
MARTINA: "QUE NON, QUE SON BARCOS!"

PODEN SER VASOIRAS? POR QUE NON?

O TRABALLO COAS OBRAS DE ARTE FAVORECEN A CONVERSA ENTRE OS NENOS E NENAS.
NESTE CASO, CADA UN IMAXINOU O QUE SE VE DESDE A SÚA VENTÁ.


FIXÁDEVOS!
DESDE A VENTÁ DE LARA PODEMOS VER MOITÍSIMAS COUSAS!

viernes, 16 de noviembre de 2012

EUROCOPA 2012 (II)

PODEN OS NENOS E NENAS DE 3 E 4 ANOS VER A PRENSA?
IMAXINÁDESVOS AOS PEQUENOS E PEQUENAS SENTADOS ANALIZANDO A PRENSA DEPORTIVA?

UNHA DAS ACTIVIDADES DO PROXECTO DA EUROCOPA FOI UNHA PRIMEIRA APROXIMACIÓN A DETERMINADOS MEDIOS DE COMUNICACIÓN: A PRENSA DEPORTIVA.
ANTES DOS PARTIDOS FIXEMOS PREDICIÓNS SOBRE OS RESULTADOS: ANOTAMOS OS DATOS E AO DÍA SEGUINTE COMPROBAMOS SE SE CUMPRIRAN AS PREDICIÓNS.
TAMÉN OBSERVAMOS COMO A PRENSA RECOLLE AS CRÓNICAS DOS PARTIDOS, FIXÁNDONOS SOBRE TODO NA INFORMACIÓN GRÁFICA: FOTOS, IMAXES, GRÁFICOS, ESQUEMAS... E INTENTAMOS INTERPRETALAS.

PRIMEIRO ACHEGAMENTO: OBSERVAMOS O MATERIAL.

 MANIPULAMOS O MATERIAL INDIVIDUALMENTE.

DESPOIS EN PEQUENO GRUPO.
A GRANDE NOVIDADE XURDIU CANDO ALGÚNS PEDIRON "LER O XORNAL" MENTRES OUTROS XOGABAN NOS RECANTOS. MIRADE QUE INTERESANTE...

 BUSCANDO FOTOS DO ADESTRADOR...

OBSERVANDO TODAS (ABSOLUTAMENTE TODAS) AS IMAXES...

LOCALIZANDO AOS XOGADORES NA PUBLICIDADE...



MANIPULANDO UN FORMATO AO QUE NON ESTÁN ACOSTUMADOS...


NON É SINXELO PASAR FOLLAS, MONTAR E DESMONTAR O XORNAL LEVA O SEU TEMPO...


OS XORNAIS QUEDARON ASÍ...

UNHA EXPERIENCIA MOI INTERESANTE QUE REPETIMOS VARIAS VECES DESPOIS DOS PARTIDOS!




miércoles, 14 de noviembre de 2012

MAYTE CONTA O TRAXE NOVO DO REI

O CURSO PASADO ALGÚNS PAIS E NAIS VIÑERON VISITARNOS Á AULA. ESTE CURSO, INVITÁMOLOS A REPETIR PERO CON UNHA CONDICIÓN: QUE NOS CONTEN UN CONTO CLÁSICO.

HOXE DESPRAZÁMONOS Á BIBLIOTECA DO COLE QUE, AÍNDA QUE ESTÁ NO EDIFICIO DOS MAIORES, TEN UN ESPACIO RESERVADO PARA OS NENOS E NENAS DE INFANTIL.

RECIBIMOS A VISITA DE MAYTE, NAI DE LÚA, QUE NOS CONTOU O TRAXE NOVO DO REI.








O MELLOR MOMENTO, CANDO DESCUBREN QUE O REI ESTÁ NÚ! (FIXÁDEVOS NA CARA DE RUBÉN)

MOITAS GRACIAS MAYTE!

martes, 13 de noviembre de 2012

FELIZ DÍA DO BICHO!

ESTE É O TÍTULO DA OBRA DE ANDY WARHOL QUE HOXE PRESENTOU SIMÓN.


ADEMAIS DE FALARNOS DO ARTISTA, SIMÓN CONTOUNOS ALGÚNS ASPECTOS DA SÚA BIOGRAFÍA, COMO A SÚA ENFERMIDADE CANDO ERA PEQUENO, CANDO SE DEDICOU A DEBUXAR PARA PASAR O TEMPO.
SIMÓN E A SÚA FAMILIA PREPARARON UNHA SERIE DE LÁMINAS PARA ILUSTRAR A EXPOSICIÓN.




NESTA IMAXE PODEDES OBSERVAR A SIMÓN SINALANDO TODOS OS BICHOS QUE DEBUXOU ANDY WARHOL: MOSCAS, ESCARABELLOS, XOANIÑAS...

GRACIAS SIMÓN E FAMILIA, POR TRAERNOS ESTA OBRA DE ARTE!
ENCANTOUNOS!

domingo, 11 de noviembre de 2012

MAGOSTO 2012

O VENRES GOZAMOS DUN DÍA MOI ESPECIAL. MERENDAMOS CASTAÑAS ASADAS E ADEMAIS PARTICIPAMOS EN XOGOS MOI MOI DIVERTIDOS.

PREPARAMOS OS VASOS PARA AS CASTAÑAS.

EN FILA, ESPERAMOS PARA RECIBIR AS CASTAÑAS ASADAS.

MERENDAMOS CASTAÑAS ASADAS E ZUME.

XOGO 1: TIRAR CASTAÑAS: DESDE DENTRO DO ARO HABÍA QUE ACHEGAR A CASTAÑA A UNHA PICA QUE ESTABA NO CHAN.  

XOGO 2: CARREIRAS: EN 4 EQUIPOS, HABÍA QUE LEVAR AS CASTAÑAS DO CUBO ATA OUTRO CUBO.

XOGO 3: O VERME: EN 3 EQUIPOS, HABÍA QUE PASAR A PELOTA AO COMPAÑEIRO/A QUE ESTABA SENTADO DETRÁS.O ÚLTIMO DA FILA, CANDO RECIBÍA A PELOTA, TIÑA QUE IR CORRENDO A POÑERSE DE PRIMEIRO. 

XOGO 4: ENCESTAR CASTAÑAS: DESDE DENTRO DO ARO HABÍA QUE METER AS CASTAÑAS DENTRO DUN PNEUMÁTICO. 

XOGO 5: CARREIRA DE CASTAÑAS EN CULLER.

XOGO 6: A PROFE PILI PINTOUNOS UNHA CASTAÑA.  

DURANTE A MAÑÁ TIVEMOS QUE SER PACIENTES E ESPERAR QUENDA PARA PODER XOGAR. QUE DIFÍCIL...

ADEMAIS DE AGRADECERLLE AOS PROFES QUE ORGANIZARON OS XOGOS, TEMOS QUE DAR AS GRACIAS AOS NENOS E NENAS MAIORES QUE AXUDARON A QUE TODO SAÍRA MOI BEN: EXPLICARON XOGOS, ATENDERON AOS PEQUENOS E PEQUENAS, PREPARARON O MATERIAL...
GRACIAS A TODOS!

PODEDES VER MÁIS FOTOS DA XORNADA PREMENDO AQUÍ.